Maratón na bPáistí
Ceangal dearfach leis an teanga tríd an aclaíocht! 1356 páiste ar fud na Gaeltachta ag glacadh páirte san fheachtas spreagúil seo
Reachtáil Oifigigh Pleanála Teanga na Gaeltachta clár 8 seachtaine, Maratón na bPáistí, do dhaltaí i Rang 5 & 6 i scoileanna ar fud na Gaeltachta. Thug an clár spreagúil seo, a bhí ar siúl i gcomhar le Marathon for Kids, deis do pháistí a bheith ag foghlaim i nGaeilge faoi na buntáistí a bhaineann leis an aclaíocht chomh maith le bheith ag baint sásaimh agus tairbhe as na seisiúin reatha. Ní hamháin go gcothaíonn imeachtaí den chineál seo féinmhuinín i measc na bpáistí, cuidíonn an t-éispéireas ilcheadfach lasmuigh den seomra ranga le ceangal dearfach a dhéanamh leis an teanga féin. 1356 páiste ó cheantair éagsúla ar fud na Gaeltachta a ghlac páirt san fheachtas agus rith siad a míle deiridh ag ócáid speisialta i mí na Nollag.
Cén uair: Ó 22 Deireadh Fómhair – 11 Nollaig
