gteic@ Uíbh Ráthach

Is cuma cén cur chuige oibre atá agat, tá spás againn a oireann do do riachtanais:​

• Deasca Sealaíochta & Tiomnaithe – Oiriúnach do dhaoine a thagann isteach ó am go chéile, do shaorchleachtóirí, agus d’oibrithe cianda atá ag lorg spás gairmiúil ina mbeidh siad in ann díriú ar a gcuid oibre.
• Seomraí Cruinnithe – Spásanna lánfheistithe atá oiriúnach don chomhoibriú, do cruinnithe le cliaint, nó cruinnithe foirne.
• Stiúideo Podchraolta – spás nua-aimseartha, lánfheistithe atá deartha chun tacú le cruthú ábhar fuaime agus físe ar ardchaighdeán; suíomh atá oiriúnach do scéalaíocht chruthaitheach, agallaimh agus léiriú gairmiúil podchraoltaí.
• Áiseanna Oiliúna & Imeachtaí – Spásanna atá oiriúnach do cheardlanna, laethanta lasmuigh den oifig, cruinnithe pleanála, imeachtaí líonraithe nó seisiúin oiliúna gnó i dtimpeallacht nua-aimseartha, dea-fheistithe.​
• Oifigí Scóipiúla Bainistithe – tá siad seo oiriúnach d’fhoirne – hibrideacha nó dáilte – ina bhfuil suas le deichniúr iontu. Is spás oibre slán atá i gceist a bhainistítear go gairmiúil.

Compord, feidhmiúlacht, agus solúbthacht na haidhmeanna a bhí againn agus sinn ag dearadh an gteic seo – ionas go mbeadh saoirse agat oibriú ar do shlí féin.​

Ní hamháin gur áit shuaimhneach é gteic @ Uíbh Ráthach ach is áit áisiúil é chomh maith – nílimid ach 200m ó áiseanna áitiúla; oifig an phoist, siopa, deilí, agus stáisiún breosla.

Cuir deasc i gteic @ Uíbh Ráthach in áirithe anseo.

Bí páirteach i bpobal gairmiúil agus coimeád do phost reatha. Leis na háiseanna go léir atá sonraithe thuas, cuirtear gach ní go bhfuil gá leis ar fáil i gteic @ Uíbh Ráthach do chianfhostaithe, gan gá tabhairt faoi thuras fada chun na hoifige.

“A place to work and enjoy yourself! Wonderful facilities with a breathtaking view over Ballinskelligs Bay. Whether you’re visiting or living here, it’s a wonderful place to work. There are always great chats with colleagues. You have everything you need: fast internet, meeting rooms, a lunch area, toilets, etc…” (Laura Z, 5* Google Review, 2026)

Cibé an podchraoltóir, dearthóir, scannánóir, scríbhneoir nó cruthaitheoir ábhair tú, soláthraíonn ár n-áiseanna agus ár dtimpeallacht spreagúil an timpeallacht idéalach d’obair chruthaitheach spriocdhírithe.

“…and if you have writer’s block or need a visual break from the screen, the views are just stunning and the beautiful Ballinskelligs beach is within walking distance…” (Bríd B, 5* Google Review, 2026).

Cabhraíonn gteic @ Uíbh Ráthach le gairmithe filleadh ar Chiarraí Theas gan a ngairmeacha beatha a fhágáil ina ndiaidh. Bí mar chuid de phobal atá ag méadú, pobal daoine a roghnaigh cur fúthu go háitiúil agus iad ag obair go náisiúnta agus go hidirnáisiúnta.  Beidh do theaghlach agus do phobal buíoch díot!

Foghlaim tuilleadh faoin saol in Uíbh Ráthach.

Déan áirithint lae, seachtaine, nó fan linn níos faide fós. Bí táirgiúil agus tú ag tabhairt cuairt ar cheann de na réigiúin chósta is áille in Éirinn. Tóg bád go Sceilg Mhichíl, déan siúlóid ar Bhealach na Manaigh, téigh ag tonnmharcaíocht ag Bá Fhíonáin nó téigh ag snámh ar thrá na Brataí Goirme i mBaile an Sceilg. Is leatsa an rogha!

Foghlaim níos mó mar gheall ar Chósta na Sceilge.

Tacaigh le d’fhoireann le socruithe oibre hibrideacha nó cruthaigh foireann dáilte inár spás oibre slán a bhainistítear go gairmiúil. Déan teagmháil linn chun do chuid riachtanas a chur in iúl dúinn.

Athchruthaigh Meon na Manach in áit atá oiriúnach le haghaidh tearmann foirne, cruinnithe lasmuigh den oifig agus laethanta pleanála. Ar an gcaoi chéanna a tháinig na manaigh i dtír anseo le haghaidh tearmann agus athbheochan sa gheimhreadh, is féidir leat deis a thabhairt anois do d’fhoireann nascanna a dhéanamh agus iad ag dícheangal.  Déan teagmháil linn anseo chun do chuid riachtanas a chur in iúl dúinn.

Má tá tú ag smaoineamh ar fhilleadh ar an gceantar nó stíl mhaireachtála oibre níos sásúla a bheith agat, cabhróidh gteic @ Uíbh Ráthach leat é sin a bhaint amach. Bíonn dúshlán ann d’oibrithe cianda spás gairmiúil a aimsiú i gceantar tuaithe ina bhfuil áiseanna gur féidir brath orthu. Réiteach na faidhbe sin ná gteic @ Uíbh Ráthach.

Beidh tú mar chuid de phobal bríomhar, cruthaitheach ina bhfuil an Ghaeilge agus an cultúr beo, ina bhfuil deiseanna tacaíochta gnó agus oiliúna ar fáil ann, agus ina bhfuil áilleacht nádúrtha Bhá na Scealg cúpla céim ó do dheasc.

Más ag surfáil ar an Atlantach roimh bhricfeasta atá tú, ag siúl ar an trá ag am lóin, nó ag líonrú le daoine gairmiúla eile le cupán caife, seo é an chothromaíocht oibre agus saoil mar ba chóir di a bheith.

Tuigimid i gteic @ Uíbh Ráthach go bhfuil idirlíon iontaofa, ardluais riachtanach don obair sa lá atá inniu ann – agus tá infheistíocht déanta againn in infreastruchtúr den scoth chun tú a choimeád ar líne gan bhriseadh.​

• Leathanbhanda snáthoptaice ultra-thapa le luasanna suas le 1GB a chinntíonn gur féidir leat glaonna físe a dhéanamh gan deacracht, gur féidir leat uaslódáil go tapa, go mbeidh tú in ann obair ar dhoiciméidí sa scamall agus gach rud idir eatarthu.
• Líonra Wi-Fi bainistithe atá slán agus seasmhach sa bhfoirgneamh ar fad.
• Cúltaca uathoibríoch trí chóras leathanbhanda gan sreang ar leith a chinntíonn leanúnachas, fiú i gcás go mbeadh briseadh sa tseirbhís.​

Más ar ghlao Zoom le cliant atá tú, nó ag seoladh táirge digiteach, nó ag comhoibriú le do fhoireann go cianda, tugann gteic @ Uíbh Ráthach an nascacht agus an suaimhneas intinne duit chun obair ar an gcaighdeán is fearr a dhéanamh.​

Is tionscnamh de chuid Údarás na Gaeltachta é gteic @ Uíbh Ráthach, agus cuireann sé réimse leathan tacaíochtaí gnó ar fáil do dhaoine trí eagraíochtaí mar LEO, LEADER, Teagasc, Fiontraíocht Éireann agus eile. Cuirtear cláracha oiliúna agus imeachtaí rialta ar siúl a chruthaíonn deiseanna breise le haghaidh fáis, nuálaíochta, agus comhoibrithe.

Tá deasca sealaíochta ar fáil don té a bheidh anseo ar feadh cúpla lá sa tseachtain nó tá spásanna fadtéarmacha ann do dhuine atá ag fás a ghnó; táimid anseo chun cabhrú leat socrú isteach.

Déan teagmháil linn inniu le fiosrú faoi na spásanna atá ar fáil. Déan áirithint ar dheasc sealaíochta, seomra cruinnithe, stiúideo podchraolta nó spás oifige bainistithe i mBaile an Sceilg, Contae Chiarraí.

Cá bhfuil gteic @ Uíbh Ráthach suite? Tá Gteic @ Uíbh Ráthach i mBaile an Sceilg, sráidbhaile cósta i gCiarraí Theas. Tá sé thart ar 15km ó Chathair Saidhbhín agus 12km ón gCoireán. An Eircode ná V23 XK58.

Cén luas leathanbhanda atá ar fáil? Tá luas leathanbhanda snáithín suas le 1GB ar fáil, agus aistriú uathoibríoch chuig córas gan sreang ar leithligh i gcás go dtarlódh briseadh i gcóras an tsnáithín.

An féidir le cuairteoirí deasc a chur in áirithe ar bhonn lae? Is féidir leat deasc a chur in áirithe don lá, don tseachtain nó do mhí. Tá bearta agus dearbháin ar fáil againn freisin a chinntíonn luach agus solúbthacht den scoth chun freastal ar do chuid riachtanas. San áireamh i do phas, tá rochtain saor in aisce ar sheomraí cruinnithe chomh maith le tae agus caife atá ar fáil sa chistin.

Cén t-am a osclaíonn an mol? Is féidir le baill rochtain a fháil ar an mol 24/7 nuair a bheidh a n-áirithint críochnaithe.

An bhfuil páirceáil ar fáil? Tá go leor spásanna páirceála saor in aisce ar an suíomh.

An féidir le foirne seomraí cruinnithe agus tearmainn a chur in áirithe? Cinnte, tá seomraí cruinnithe ar fáil le cur in áirithe ar feadh uair a chloig, ar feadh leath lá agus do lá iomlán. Cuirimid fáilte roimh ghrúpaí teacht laethanta lasmuigh den oifig, agus beimid sásta cabhrú leat lóistín oiriúnach a aimsiú do do ghrúpa, socruithe bídh a dhéanamh daoibh agus cabhrú leat imeachtaí sóisialta a bhfuil spéis ag d’fhoireann iontu a aithint.