Athbhreithniú Straitéiseach Margaidh

Go hidéalach, ba chóir do chomhlachtaí bunaithe an tAthbhreithniú Margaíochta Straitéisí seo a dhéanamh, a bhfuil taithí acu ar thrádáil idirnáisiúnta agus a bhfuil suim acu in athbhreithniú agus forbairt a dhéanamh ar a straitéis forbartha margaidh.

Tá an deontas ar fáil do chliantchomhlachtaí reatha Údarás na Gaeltachta agus Fiontraíocht Éireann a chomhlíonann na critéir seo a leanas uile:

  1. Tá an comhlacht ina chomhlacht déantúsaíochta nó ina comhlacht incháilithe seirbhísí a thrádáiltear go hidirnáisiúnta; agus
  2. Tá an comhlacht ina fhiontar FBM i mbun gníomhaíochtaí incháilithe; agus
  3. Ní mór an cumas a bheith léirithe ag an gcomhlacht idirnáisiúnú a dhéanamh; agus
  4. Ní mór don chomhlacht a bheith i mbun trádála ar feadh breis agus 6 bliana agus ioncam bliantúil inbhuanaithe de €500k ar a laghad;
    nó
  5. Más rud é gur comhlacht nach bhfuil i mbun trádála ar feadh breis agus 6 bliana anuas, ní mór ioncam inbhuanaithe bliantúil de €500k ar a laghad a bheith aige, a bheith dearfach ó thaobh tuilleamh roimh ús, cánacha, dímheas agus amúchadh sna 9 mí roimhe, agus an cumas a bheith aige é seo a léiriú ar bhealach inbhuanaithe don todhchaí.

Comhlachtaí Neamh-Incháilithe

Comhlachtaí a bhfuil a dtáirgí sa liosta in Iarscríbhinn 1 den Chonradh AE (Conradh ar Fheidhmiú an Aontais Eorpaigh) agus féadfaidh an méid seo a leanas a bheith ina measc:

  • Comhlachtaí gairneoireachta
  • Próiseálaithe éisc
  • Táirgeoirí tosaigh eile
.

Cé na costais atá incháilithe agus céard é an maoiniú uasta atá ar fáil?

Tá caiteachas incháilithe faoi réir srian don chostas a bhaineann le sainchomhairleoir margaíochta ceadaithe ag Údarás na Gaeltachta/Fiontraíocht Éireann a fhostú le haghaidh 7 lá ar a mhéad.

Is é an táille laethúil uasta iníoctha leis an sainchomhairleoir ná €900 agus costais taistil chothaithe agus costais as póca san áireamh.

Déanfar an maoiniú de bhun deontas sainchomhairleoireachta. Is é an gnáthchostas a bhaineann le hAthbhreithniú Margaíochta Straitéisí a dhéanamh ná €6,300. Ní mór don chomhlacht an tsuim iomlán €6,300 a íoc leis an sainchomhairleoir sula bhféadann Údarás na Gaeltachta an t-éileamh a phróiseáil. Féadfaidh an comhlacht ansin an deontas €5,000 a éileamh ach cruthúnas ar íocaíocht a chur isteach, mar aon le cóip den phlean gníomhaíochta comhlánaithe.

Socraítear an incháilitheacht tríd an iarmhéid cúnaimh de Minimis atá ar fáil don chomhlacht.

.

Céard iad na dátaí dúnta don ghairm?

Níl aon dátaí dúnta don ghairm. Ní próiseas iomaíoch é seo agus is iad lucht bainistíochta Údarás na Gaeltachta a cheadaíonn é. Déan teagmháil le d’Fheidhmeannach Forbartha in Údarás na Gaeltachta chun plé a dhéanamh ar oiriúnacht na tacaíochta seo do do ghnó.

.

Cén chaoi lena ndéanaim iarratas?

Ba chóir gach iarratas ar mhaoiniú a phlé le d’Fheidhmeannach Forbartha in Údarás na Gaeltachta sula gcuirtear isteach iad.

Déan teagmháil le d’Fheidhmeannach Forbartha ainmnithe in Údarás na Gaeltachta chun d’iarratas a phlé.

.

Cén áit a bhféadaim teacht ar shainchomhairleoir oiriúnach?

Bunaítear an tAthbhreithniú Margaíochta Straitéisí ar chlár sonrach oibre thar thréimhse an taisc. Tá foireann sainchomhairleoirí fostaithe ag Údarás na Gaeltachta/Fiontraíocht Éireann a oibreoidh i gcomhar le do chomhlacht, chomh maith le comhairleoirí Fhiontraíocht Éireann in Éirinn agus thar lear araon. Le haghaidh tuilleadh eolais ar na sainchomhairleoir ceadaithe, déan teagmháil le d’Fheidhmeannach Forbartha.

.