Meitheal Trá na Rinne
Bunaíodh Meitheal Trá na Rinne Teo sa bhliain 1990 le hoisrí a réiteach agus a dhíol dá mbaill táirgeoirí i gCuan Dhún Garbhán. Suite i nGaeltacht na Rinne, faoi láthair, díolann an comhlacht táirgí den scoth ó cheithre fheirmeoir oisrí, a tháirgeann tuairim is 500-600 tonna oisrí d’ardchaighdeán eatarthu in aghaidh na bliana.
Soláthraíonn suíomh idileach an chomhlachta, atá lonnaithe i gcuan taoide ar chósta dheisceart na hÉireann, dálaí fáis uathúla dá chuid oisrí. Tá monarcha d’ardchaighdeán ag Meitheal Trá na Rinne anois chun an táirge a ghrádú agus a réiteach don mhargadh.
Cén chaoi ar chabhraigh an tÚdarás?
Mar thoradh ar thacaíocht a fuarthas ó Údarás na Gaeltachta tá monarcha ar ard-chaighdeán, leis an trealamh is nua-aimseartha tógtha ag Meitheal Trá na Rinne, áit a ngrádaítear agus a réitítear an táirge don mhargadh. Tá dea-thioncar na tacaíochta seo le sonrú ní amháin tríd an bhfostaíocht dhíreach a cruthaíodh sa chomhlacht féin, ach ina theannta leis an éifeacht seachtháirge atá le feiceáil sa cheantar máguaird.
