Údarás na Gaeltachta ag Tacú le Stádas Geografach Cosanta do Bhréidín Dhún na nGall

Tá áthas orainn ag Údarás na Gaeltachta tacú le hiarrachtaí Chumann Bhréidín Dhún na nGall Stádas Geografach Cosanta do Bhréidín Dhún na nGall a fháil ón Aontas Eorpach.

Tá an tionscal bréidín fite fuaite i stair agus i gcultúr an cheantair le breis is céad bliain, agus tá sé mar chuid lárnach d'eacnamaíocht chruthaitheach Dhún na nGall.

Go dtí 250 duine atá fostaithe sa tionscal seo faoi láthair, agus tá na scileanna speisialta á seachadadh ó ghlúin go glúin in Ard an Rátha, i gCill Chartha agus i nGleann Cholm Cille.
Creidimid go láidir go gcinnteoidh an Stádas Geografach Cosanta seo go mbeidh todhchaí inmharthana ag an tionscal agus go gcuirfidh sé stop le táirgí bréige as an tSín, an Eoraip agus níos faide i gcéin.

Tá súil againn go mbeidh an t-aitheantas speisialta seo i bhfeidhm go luath tar éis an 1 Nollaig, nuair a bheidh an córas nua clárúcháin tosaithe.

Tréaslaímid le lucht an tionscail bhréidín i nDún na nGall as a gcuid iarrachtaí leanúnacha an oidhreacht thábhachtach seo a chaomhnú agus a chur chun cinn ar fud an domhain.