Gradam ‘Lóchrann’ Chomórtas Peile na Gaeltachta bronnta ar Mháire Uí Laoire as Cill na Martra

Bronnadh gradam aitheantais 'Lóchrann' Chomórtas Peile na Gaeltachta ar Mháire Uí Laoire as Cill na Martra, Co. Chorcaí, ag an gcomórtas i mbliana. Is gradam bliantúil é seo atá urraithe ag Údarás na Gaeltachta, chun aitheantas a thabhairt do dhaoine a bhfuil obair den scoth déanta acu ar son CLG agus ar son na Gaeilge ina gceantair Ghaeltachta féin.

Is píosa ealaíne álainn cré-umha é an 'Lóchrann', deartha ag an ealaíontóir clúiteach Pádraig Reaney, a léiríonn beirt imreoirí i mbun coimhlinte. Bronnadh an gradam ar Mháire mar aitheantas ar a tiomantas agus a dúthracht i leith chur chun cinn na Gaeilge agus an CLG i gCill na Martra le blianta fada.

Duirt Tomás Ó Siocháin, Príomhfheidhmeannach Údarás na Gaeltachta,

"Léiríonn an gradam seo an meas atá ag pobal na Gaeltachta, agus ag an Údarás, ar dhaoine a chuireann a gcion féin ar bhealach chomh tiomanta sin ar mhaithe lena bpobal féin agus leis an teanga. Comhghairdeas ó chroí le Máire, a bhfuil an t-aitheantas seo tuillte go maith aici."

Ghlac Máire féin buíochas, ag rá:

"Tá mé ana-bhródúil an gradam seo a ghlacadh. Tá an Ghaeilge agus an CLG an-tábhachtach i mo shaol agus i saol an phobail i gCill na Martra, agus déanaim mo dhícheall i gcónaí tacú leo. Go raibh míle maith agaibh arís as an ngradam seo."