Gradam Idirnáisiúnta bronnta ar chomhlacht uisce Gaeltachta i Maigh Eo

Gradam “Blas den Scoth” bronnta ag an Institiúid Idirnáisiúnta Blaise

13 Iúil, 2022

nóiméad léite

Water surface after collision with water drop

Tá an gradam “Blas den Scoth” bronnta ag an Institiúid Idirnáisiúnta Blaise ar an gcomhlacht Fíor-Uisce, atá lonnaithe i dTuar Mhic Éadaigh, as caighdeán an táirge atá á chur ar fáil acu. Deir an comhlacht gur údar mórtais dóibh é gurb é Fíor Uisce an t-aon uisce Éireannach a bhain an gradam seo amach i 2022.

Le linn an phróiseas roghnúcháin, bíonn na huiscí á dtástáil ag saineolaithe bia agus dí a bhfuil cáil idirnáisiúnta orthu agus ní bhronntar an gradam ach ar na táirgí a bhaineann amach scór blaise níos airde ná 70%.

Déanann Údarás na Gaeltachta comhghairdeas le Fíor Uisce, ceann den méid mór comhlachtaí atá, le tacaíocht ón Údarás, ag cur táirgí bia agus dí den chéad scoth ar fáil i ngach ceantar Gaeltachta sa tír.