Ag Forbairt Ionaid Cuairteoirí sa nGaeltacht

Reáchtálfaidh Údarás na Gaeltachta seimineáir thar dhá mhaidin an 19^ú agus 20^ú Bealtaine ag díriú ar ionaid cuairteoirí sa nGaeltacht agus an bealach is fearr leis na hionaid seo a fhorbairt.  Déanfar cur síos ar na gnéithe ar fad atá de dhíth chun ionad spéisiúil agus taitneamhach a chur ar fáil do chuairteoirí i mbliana.

Beidh saineolaithe i láthair chun treoir agus leideanna a thabhairt don lucht éisteachta maidir le traenáil do threoraithe, comhairle faoi mhiondíol, córais do thicéid a chur in áit agus conas scéal na háite a insint.  Beidh Foireann Ionad Cuairteoirí Fháilte Éireann i láthair chomh maith chun a gcuid saineolais a roinnt leis an lucht spéise.

Tá na seisiúin dírithe ar ghnóthaí turasóireachta, áiseanna turasóireachta agus gach ní a bhaineann le hionaid do thurasóirí sa nGaeltacht agus a bheith chomh réitithe agus is féidir do shéasúr na turasóireachta in Éirinn agus na ceantair áille Gaeltachta a mbeidh an-tóir orthu agus muintir na tíre ag caitheamh a gcuid saoire sa mbaile arís i mbliana.

Is féidir clárú do na seimineáir ar Eventbrite anseo: https://bit.ly/3eu8vjb

Dé Céadaoin      19/05/21             ón 9.30 – 12.00

Déardaoin           20/05/21             ón 9.30 – 12.00