Stocaí Dhún na nGall
Is iad Stocaí Dhún na nGall an táirge deiridh uathúil den tríú glúin de ghnó teaghlaigh i mbun déantúsaíochta stocaí olann traidisiúnta sna Gleannta i nDún na nGall.
Baineann traidisiún fada do dhéanamh stocaí leis an gceantar, traidisiún a théann siar na céadta bliain, ceardaíocht neamhchoitianta atá roinnte ó ghlúin go glúin. Léiríonn a gcuid táirgí an áilleacht a bhaineann le tírdhreach scéirdiúil an réigiúin.
Cén chaoi ar chabhraigh an tÚdarás?
Chuir infheistíocht Údarás na Gaeltachta déiseanna ar fáil do Stocaí Dhún na nGall margaí nua a fhorbairt agus chuir sé ar chumas an chomhlachta díriú ar thaighde a dhéanamh ar dheiseanna nua margaíochta agus iad a fhorbairt ar scála domhanda. In 2017, chuaigh Stocaí Dún na nGall ar thuras trádála gnó go Bostún le hÚdarás na Gaeltachta chun margaí nua a fhorbairt.
