Stiúideo Dhún na nGall
Tá Stiúideo Dhún na nGall lonnaithe i gcroílár Chill Charthaigh i nGaeltacht Dhún na nGall. Ceantar atá sáite i stair na fíodóireachta láimhe agus teicstílí olla, traidisiúin a théann níos faide siar ná aimsir na Réabhlóide Tionsclaíoch. Is muileann beag é Stiúideo Dhún na nGall atá suite ar Shlí an Atlantaigh Fhiáin atá feistithe amach don phróiseas cardála, sníomhacháin, lámhfhíodóireachta chomh maith le déantús ball éadaigh. Tá an gnó ag trádáil go maith agus iad ag fanacht dílis dá mbunluachanna, is é sin a mbréidín a bheith déanta de láimh.
Cén chaoi ar chabhraigh an tÚdarás?
Le cúnamh ó Údarás na Gaeltachta bhí Stiúideo Dhún na nGall in ann a ghnó turasóireachta a fhorbairt tríd an fhoirgneamh a thabhairt go caighdeán agus a chur in oiriúint do thurasóirí, rud a thugann deis do chuairteoirí an seancheird thraidisiúnta a fheiceáil ar siúl agus an cheird agus an obair a bhíonn idir lámha ag an gcomhlacht a phlé leis na fíodóirí. Ina theannta sin. tugadh deis don chomhlacht freastal ar Aontaí Trádála chun próifíl tháirgí an chomhlachta a ardú mar aon le gnó breise a mhealladh.
