Nemeton TV
Is comhlacht léirithe spóirt é Nemeton TV atá i mbun oibre in Éirinn agus Albain. Léiríonn siad os cionn 600 uair an chloig beo in aghaidh na bliana. Tá siad lonnaithe i nGaeltacht na nDéise agus i nGlaschú. Tagann siad le chéile mar mheitheal neamhghnách de dhaoine cruthaitheacha, teicniúla agus gnó. I measc na gclár a dhéanann siad, tá CLG, Príomh Roinn na hAlbain, sacar agus rugbaí na mban (náisiúnta agus idirnáisiúnta), dornálaíocht, rásaíocht capall agus réimse clár faisnéise.
Cén chaoi ar chabhraigh an tÚdarás?
Chuidigh Údarás na Gaeltachta le Nemeton fás suntasach a dhéanamh ar a ngnó. Thosaigh siad amach le duine amháin sa gnó agus anois tá an scórtha fostaithe acu. D’fhorbair siad a gceanncheathrú sa Rinn, i nGaeltacht na nDéise le cabhair ó Údarás na Gaeltachta. D’aithin Nemeton go ganntanas daoine le Gaeilge san earnáil agus ó 2006 i leith tá siad ag reáchtáil Cúrsa Ard Dioplóma i Léiriú Teilifíse & na Meáin Dhigiteacha i bpáirtnéireacht le hInstitiúid Teicneolaíochta Phort Láirge le maoiniú ó Údarás na Gaeltachta.
