Ionad Cultúrtha an Phiarsaigh
Insítear scéal Phádraic Mhic Phiarais san ionad seo do chuairteoirí i Ros Muc i gcroílár Ghaeltacht Chonamara, agus tugtar na cuairteoirí ar aistear foghlama trí theanga, cultúr agus tírdhreach an cheantair álainn seo i nDeisceart Chonamara.
Cé chaoi ar chabhraigh an tÚdarás?
Ag tógáil ar Theach an Phiarsaigh mar a bhí ann roimhe, tháinig Údarás na Gaeltachta, i gcomhpháirt leis an Roinn Cultúir, Oidhreachta agus Gaeltachta, i gcomhar le Fáilte Ireland agus le hOifig na nOibreacha Poiblí chun taitneamhacht den chéad scoth a chruthú le haghaidh cuairteoirí. Osclaíodh an t-ionad seo in 2016 agus tá na scórtha mílte cuairteoirí idirnáisiúnta tagtha chun an cheantair ó shin dá thoradh. Tá an tÚdarás ag leanúint den chomhoibriú le hOifig na nOibreacha Poiblí chun an láthair a chur chun cinn agus reáchtálann an t-ionad cruinnithe le haghaidh oibreoirí turasóireachta áitiúla agus don phobal áitiúil.
