Na Déise

Tá ceantar na nDéise, ceann des na LPTanna is lú sa tír, lonnaithe in oir-dheisceart na tíre, é suite cois mara le radharcanna den scoth ins gach ball. Is sa Rinn agus sa tSean Phobal is mó atá muintir na háite ag cur fúthu. Is é seo an t-aon cheantar san oir-dheisceart go dtáinig an Ghaelainn slán agus tá canúint éagsúil le gach LPT eile le fáil ann.

Léiríonn figiúirí Dhaonáireamh 2016 go bhfuil 1,816 duine ina gcónaí i LPT na nDéise agus go bhfuil 26.9% den phobal (3 bliana agus os a chionn) ina gcainteoirí laethúla Gaeilge.