Ciarraí Theas

Tá LPT Chiarraí Theas suite ar mhórchuaird Chiarraí i gceantar sléibhtiúil fiáin cois farraige le radharcannna dochreidte le feiscint ar gach taobh díot – ó Bhá Fhionnáin go Cathair Dónall, agus amach chun farraige go dtí na Scealga. Ceantar scaipthe atá ann, gan dlús daonra le fáil in aon chuid de seachas i mbaile an Choireáin – baile atá suite i gcroílár an cheantair ach nach bhfuil áirithe sa LTP féin.

Léiríonn figiúirí Dhaonáireamh 2016 go bhfuil 1,808 duine ina gcónaí i LPT Chiarraí Theas agus go bhfuil 6.9% den phobal (3 bliana d’aois agus os a chionn) ina gcainteoirí laethúla Gaeilge.