Dhá chomhlacht Gaeltachta ag fáil €9.6m d’fhorbairtí sláinte agus AI

Tá áthas ar Údarás na Gaeltachta comhghairdeas a dhéanamh le dhá chomhlacht a fuair maoiniú mór faoi Ghlao 7 den Chiste Teicneolaíochtaí Suaiteacha (DTIF). Beidh siad ag obair ar thionscadail nua i réimse na sláinte.

HealAsystant - Córas AI chun cabhrú le teiripe comhbhrúite

Fuair FeelTect Limited agus Professional Granite Consulting Limited, atá lonnaithe i nGaillimh agus i gCorcaigh, €6.3 milliún. Tá siad ag cruthú córas AI a thabharfaidh tacaíocht d'othair atá ag úsáid teiripe comhbhrúite. Cuirfidh sé seo go mór le saol agus cóir leighis othar.

SmartMobility CNM - Córas monatóireachta do chothú othar

Fuair Invermed Teo, in éineacht lena gcomhpháirtithe Rockfield Medical Devices agus Ionad Taighde Déantúsaíochta na hÉireann (IMR), €3.3 milliún. Tá siad ag forbairt córas a dhéanfaidh monatóireacht leanúnach ar chothú d'othair a bhfuil gá speisialta acu leis.

Is cuid de 27 tionscadal iad seo a fuair maoiniú iomlán de €159 milliún faoi Ghlao 7 den DTIF. Léiríonn an €9.6 milliún do na tionscadail seo gur féidir le comhlachtaí sa nGaeltacht a bheith i mbarr an dréimre ó thaobh cursaí i dteicneolaíocht sláinte.

Dúirt Miriam Ní Néill ó Rannóg Fiontraíochta agus Fostaíochta Údarás na Gaeltachta:

"Tá muid an-bhródúil as an éacht seo. Léiríonn sé go bhfuil ár gcuideachtaí cliant in ann iomaíocht go hidirnáisiúnta agus tionchar dearfach a imirt ar shochaí. Táimid tiomanta do thacú le forbairt ghnó nuálach sna ceantair Ghaeltachta, agus táimid ag súil le leanúint dár dtacaíocht sna blianta romhainn."