An Chéad Chrann Nollag Muirí Inbhuanaithe sa tír le lasadh ag Nua na Mara i gCill Chiaráin

Beidh an chéad chrann Nollaig muirí inbhuanaithe sa tír, déanta go hiomlán as ábhair athúsáidte uisceshaothraithe agus muirí, á lasadh i bPáirc na Mara, Cill Chiaráin, ar Déardaoin, an 11 Nollaig.   

Tá an crann Nollag déanta go hiomlán as ábhair athúsáidte ó fheirmeacha éisc áitiúla agus eagraíochtaí muirí, agus bainfear úsáid as painéil ghréine chun an crann a shoilsiú. Beidh eangacha uisceshaothraithe, baoithe, trealamh, seolta ó Chumann Húicéirí na Gaillimhe, agus fearas muirí eile in úsáid mar chuid den chrann.   

“Theastaigh uainn ócáid a chruthú a thaispeánfadh don domhan conas is féidir le pobail chósta a bheith inbhuanaithe agus ceiliúrtha ag an am céanna - crann Nollag déanta as ábhair athúsáidte ón bhfarraige, lasta ag fuinneamh gréine, gan dramhaíl ar bith.” a dúirt Máire Éinniú, Ceannasaí ar Nua na Mara, “Tá an tacaíocht dochreidte ónár n-urraitheoirí uilig - ó ghnólachtaí móra go dtí siopaí beaga áitiúil - ag taispeáint go bhfuil ár bpobal réidh chun an geilleagar ciorclach a thabhairt chun cinn ón bhfarraige go tír.”  

Is é seo an chéad cheiliúradh Nollag muirí inbhuanaithe dá shórt in Éirinn, ag déanamh ceiliúradh ar oidhreacht na farraige agus ar sheoltóireacht thraidisiúnta an cheantair. Beidh fáilte roimh theaghlaigh áitiúla agus cuairteoirí!  

Beidh searmanas lasadh na soilse ar siúl Déardaoin, an 11 Nollaig ag 5i.n., le carúil Nollaig ag cór áitiúil na mban, sólaistí, agus cuairt speisialta ó Daidí na Nollaig.