Údarás na Gaeltachta ag tacú le Tionól Náisiúnta na hIntleachta Saorga i nGaillimh

Údarás na Gaeltachta ag tacú le Tionól Náisiúnta na hIntleachta Saorga i nGaillimh

Beidh Údarás na Gaeltachta ag tacú leis an tríú heagrán den Tionól Náisiúnta Intleachta Saorga a bheidh ar siúl i nGaillimh ar an 18 Meán Fómhair, 2025.

Osclóidh an tAire Niamh Smyth TD, Aire Stáit sa Roinn Fiontar, Trádála agus Fostaíochta, le freagracht as Cur Chun Cinn Trádála, Intleacht Shaorga agus Claochlú Digiteach, an tionól go hoifigiúil.

Dúirt Tomás Ó Síocháin, Príomhfheidhmeannach, Údarás na Gaeltachta: "Léiríonn cruinniú na gceannairí tionscail seo i nGaillimh cáil an réigiúin mar ionad barr feabhais teicneolaíochta, agus táimid ag súil le feiceáil conas a bhféadfadh an Intleacht Shaorga forbairt eacnamaíoch inbhuanaithe a spreagadh sa Ghaeltacht agus tacú leis an nGaeilge ag an am céanna."

Tá breis agus 300 gnólacht roghnaithe ar chuireadh speisialta le freastal ar an ócáid, ag léiriú tionchar fairsing na hIntleachta Saorga ar earnálacha éagsúla.

Ar an gclár i mbliana, beidh ardfheidhmeannaigh ó eagraíochtaí náisiúnta agus idirnáisiúnta i láthair, chomh maith le gnólachtaí nuathionscanta Éireannacha. Clúdóidh painéil shaineolaithe réimse leathan ábhar a thabharfaidh léargas ar an gcaoi a bhféadfadh an IS cabhrú le gnólachtaí Gaeltachta.

Tá Údarás na Gaeltachta tiomanta do thacú le gnólachtaí i gceantair na Gaeltachta chun leas a bhaint as na deiseanna a thugann teicneolaíocht na hIntleachta Saorga. Tá sé seo i gcomhréir lenár gcuspóir forbairt eacnamaíoch inbhuanaithe a spreagadh i bpobail na Gaeltachta agus tacú le caomhnú agus cur chun cinn na Gaeilge.

Tá an tionól á eagrú ag TechIreland i gcomhpháirtíocht le Údarás na Gaeltachta, Enterprise Ireland, IDA Ireland, InterTradeIreland, Data2Sustain European Digital Innovation Hubs, agus ceannasaithe digiteacha IS ar nós Google agus OpenAI.