Údarás na Gaeltachta ag Lorg Conraitheoirí Réigiúnacha do Réimsí Éagsúla Oibre
Oícheanta eolais le reáchtáil ar fud na Gaeltachta i Meán Fómhair
Tá Údarás na Gaeltachta ag cur deiseanna nua ar fáil do chonraitheoirí oilte chun páirt a ghlacadh i gcomhaontuithe creata ilpháirtí réigiúnacha a chabhróidh le gnólachtaí áitiúla i gceantair Ghaeltachta.
Tá an tÚdarás ag lorg conraitheoirí cáilithe i gceithre earnáil:
- Oibreacha meicniúla
- Oibreacha leictreacha
- Seirbhísí crann
- Oibreacha éigeandála
Clúdóidh na comhaontuithe creata trí réigiún:
- An Deisceart (Ciarraí, Corcaigh, Port Láirge),
- An tIarthar (Gaillimh, Maigh Eo),
- An Tuaisceart (Dún na nGall).
"Is é ceann de phríomhaidhmeanna an chreata seo ná an obair a choinneáil laistigh de phobail na Gaeltachta" a dúirt Cian Ó Donnchadha, Ceannasaí Maoine Údarás na Gaeltachta. "Léiríonn na comhaontuithe creata seo ár dtiomantas leanúnach do thacaíocht a thabhairt do ghnólachtaí agus conraitheoirí áitiúla."
Roinntear na comhaontuithe creata ina lotaí do gach réimse oibre aitheanta, rud a sholáthraíonn deiseanna do chonraitheoirí de mhéideanna agus speisialtóireachtaí éagsúla ar fud na réigiún Gaeltachta.
Oícheanta Eolais:
Reáchtálfaidh an tÚdarás oícheanta eolais i bpearsa agus ar líne chun an próiseas iarratais a mhíniú. Beidh ionadaithe ó KSN agus ó Údarás na Gaeltachta i láthair chun an próiseas a phlé agus chun ceisteanna a fhreagairt ar na dátaí seo a leanas:
- 8 Meán Fómhair – gteic Béal Átha an Ghaorthaidh, gteic Uíbh Ráthach, gteic Chorca Dhuibhne, Ciarraí
- 8 Meán Fómhair - gteic Ghaoth Dobhair, Dún na nGall
- 15 Meán Fómhair - Óstán Chois Fharraige, Gaillimh
Moltar do chonraitheoirí freastal ar na seisiúin seo chun tuilleadh a fhoghlaim faoi na deiseanna agus na riachtanais iarratais.
Chun clárú d'oíche eolais seol ríomhphoist chuig eolas@udaras.ie