Tacaíonn Údarás na Gaeltachta le Daltaí Ghaoth Dobhair ag Comórtas Fiontraíochta na hEorpa

Tá áthas ar Údarás na Gaeltachta tacaíocht a thabhairt do dhaltaí ó Phobalscoil Ghaoth Dobhair, Co. Dhún na nGall, atá ag déanamh ionadaíochta ar Éirinn ag an comórtas fiontraíochta is mó na hEorpa do dhaoine óga an tseachtain seo.

Tá foireann Eco Paws i measc 800+ fiontraí óga ó 40 tír Eorpach ag JA Europe's Gen_E 2025 in Aithin na Gréige. Ag an imeacht seo, beidh an deis ag na daltaí óga seo ón nGaeltacht a gcuid smaointe gnó nuálach a chur i láthair os comhair lucht féachana beo agus a gcuid scileanna fiontraíochta a thaispeáint ar stáitse na hEorpa.

"Táimid an-bhródúil as na daltaí seo ó Phobalscoil Ghaoth Dobhair," a dúirt urlabhraí ón Údarás. "Is léiriú iontach é seo ar an acmhainn fiontraíochta atá i measc ár ndaoine óga sa Ghaeltacht. Tá sé tábhachtach go dtacaímid le deiseanna mar seo a chuireann ar chumas ár ndaltaí a gcuid scileanna a fhorbairt agus nasc a dhéanamh le daoine óga eile ar fud na hEorpa."

Mar eagraíocht a dhíríonn ar fhorbairt eacnamaíoch agus shóisialta na Gaeltachta, tuigeann Údarás na Gaeltachta an tábhacht atá le fiontraíocht a spreagadh i measc an chéad ghlúine eile. Is deis eisceachtúil í seo do na mic léinn taithí a fháil ar fhiontraíocht idirnáisiúnta agus a léiriú go bhfuil tallann agus acmhainn gan teorainn sa Ghaeltacht.

Fógrófar na buaiteoirí ag searmanas bronnta na hoíche anocht.

Guímid gach rath orthu sa chomórtas.