Bainfidh comhlacht Gaeltachta tairbhe as maoiniú €17 milliún fógartha ag an tAire Burke

Cuireann Údarás na Gaeltachta fáilte mhór roimh fhógra ón Aire Fiontar, Trádála agus Fostaíochta, Peter Burke T.D., agus ón Aire Breisoideachais, Taighde, Nuálaíochta agus Eolaíochta, James Lawless T.D., faoi mhaoiniú €17 milliún do dhá thionscadal nuálaíoch. Tá áthas ar an Údarás go bhfuil cliant comhlacht dá chuid, Déantúsaíocht Sláinte HiTech Teoranta, i measc na gcomhlachtaí atá ag fáil cuid den mhaoiniú.

Beidh an maoiniú seo dhá úsáid ag Deantusaíocht Sláinte HiTech i gcuideacha páirtnéirí eile chun forbairt a dhéanamh ar leigheas nua do damáiste Inchinne i naíonáin.

Tarlaíonn Neonatal Hypoxic Ischaemic Encephalopathy (HIE) nuair nach bhfaigheann inchinn an linbh dóthain ocsaigin thart ar am an tsaolaithe. Faoi láthair, an t-aon leigheas atá ann ná an leanbh a fhuarú go 33.5°C ar feadh 72 uair.

Tá na páirtnéirí taighde le dul i mbun oibre ar fhorbairt leigheas nua darb ainm Can-Vas. Is teiripe cealla é seo a chuideoidh leis an bhfuarú.

Tá súil aige:

• Am an leighis a shíneadh ó 3 lá go cúpla seachtain nó mí
• Fadhbanna fadtéarmacha a laghdú
• Saol na bpáistí agus na gclann a fheabhsú

Ag labhairt dó faoin bhfógra, dúirt Príomhfheidhmeannach Údarás na Gaeltachta, Tomás Ó Siocháin:

" Is fianaise láidir é an maoiniú suntasach seo ar an gcaighdeán ard nuálaíochta atá á bhaint amach ag comhlachtaí Gaeltachta sa réimse eolaíochta beatha. Tá Deantusaíocht Sláinte HiTech Teoranta, ag léiriú go bhfuil comhlachtaí atá lonnaithe sa Ghaeltacht ag stiúradh forbairtí ceannródaíocha i dteicneolaíochtaí leighis den chéad scoth. "

Tá Deantusaíocht Sláinte HiTech lonnaithe ar Pháirc Gnó na Tulaigh, i nGaeltacht Chonamara.  Tá an comhlacht tar éis saineolas ar leith a fhorbairt i réimsí na teiripe cille agus na géinteiripe agus tá bearna sa mhargadh aitheanta acu chun tacú le cliaint atá ag iarraidh forbairt a dhéanamh ar theiripithe nua agus iad a lainseáil sa mhargadh.