Infheistíocht €700,000 in Eastát Bhaile an tSagairt, An Spidéal

Tá áthas ar Údarás na Gaeltachta a fhógairt go bhfuil infheistíocht gar do €700,000 déanta acu le bliain ar Eastát Bhaile an tSagairt sa Spidéal, Co. na Gaillimhe. Is céim thábhachtach é seo i bhforbairt bhonneagair na háite agus i dtacú le fás eacnamaíoch sa cheantar.

Príomhphointí:

• Infheistíocht €700,000 déanta ag Údarás na Gaeltachta
• Carrchlós nua tógtha le 12 luchtaire feithiclí leictreacha (EV)
• Ag freastal ar éileamh méadaithe ó chomhlachtaí ar nós Freuburg Industrial, Integer, Marsh, IDT, Sídheán Teo, CWS Micronclean

Is freagra díreach é an infheistíocht seo ar an méadú atá ag teacht ar an éileamh ó chomhlachtaí sa cheantar, go háirithe ó ghnólachtaí ar nós Freuburg Industrial atá ag cur lena bhfostaíocht. Cinnteoidh an carrchlós nua agus na luchtairí EV go mbeidh an t-eastát in ann freastal ar riachtanais na gcomhlachtaí agus a bhfostaithe sa todhchaí.

Dúirt Cian Ó Donnchadha, Údarás na Gaeltachta:

"Léiríonn an infheistíocht seo ár dtiomantas do chothú fás eacnamaíoch inbhuanaithe sa Ghaeltacht. Táimid ag cinntiú gur féidir le comhlachtaí lonnaithe sa Spidéal leanúint ar aghaidh ag fás agus ag cur le fostaíocht sa cheantar."

Cuirfidh an tionscadal seo go mór le hinmharthanacht fadtéarmach Eastát Bhaile an tSagairt mar ionad gnó, ag tacú le poist reatha agus ag mealladh infheistíocht bhreise sa todhchaí.