Tá Bróga Dearga, comhlacht léiriúcháin ón Rinn i bPort Láirge, ar cheann de na gnólachtaí atá mar chuid d’fheachtas nua ceannródaíoch Údarás na Gaeltachta.

Tá Bróga Dearga, comhlacht léiriúcháin ón Rinn i bPort Láirge, ar cheann de na gnólachtaí atá mar chuid d'fheachtas nua ceannródaíoch Údarás na Gaeltachta.

Cuireann 'An Chéad Chéim Eile', mar a thugtar ar an bhfeachtas, béim ar an obair forbartha leanúnach atá ar bun ag an Údarás chun todhchaí nuálach a mhúnlú do cheantair Ghaeltachta na tíre.

Insítear seacht scéal spreagúla san fheachtas, ceann as gach Gaeltacht in Éirinn, ag léiriú an tslí a bhfuil an traidisiún agus an nuálaíocht ag teacht le chéile chun pobail bheo Ghaeilge a chothú.

Is sampla den scoth é scéal Maggie, léiritheoir teilifíse a rinne cinneadh misniúil a gnó a bhunú ina baile dúchais sa Ghaeltacht. Níorbh é an t-aisfhilleadh amháin a bhí i gceist, ach tús a chur le borradh nua i bhfiontraíocht chruthaitheach sa cheantar.

Léiríonn rath a comhlachta gur féidir le tionscal na meán dul ó neart go neart i nGaeltacht na hÉireann, áit a gcuireann an pobal beo agus áilleacht na háite spreagadh ar fáil don chruthaitheacht. Trí thacaíocht Údarás na Gaeltachta, idir bhonneagar agus dheontais fostaíochta, tá poist inbhuanaithe meán cruthaithe ag an gcomhlacht i gcroílár na Gaeltachta.

"Is léiriú é an feachtas 'An Chéad Chéim Eile' ar inbhuanaitheacht na Gaeilge agus na Gaeltachta leis na mílte bliain anuas. Tá lucht labhartha na teanga de shíor ag aistriú gan choinne agus ar cheann na cruthaitheachta – ag teacht ar bhealach nua chun an chéad dúshlán teanga eile a shárú. Anois, agus muid ar thairseach nua theicneolaíochta, is deis machnaimh iad na scéalta seo – ní tús ná deireadh iad na scéalta seo, ach blaiseadh don saol mar atá, agus ar aghaidh linn leis an gcéad chéim eile."

Agus na réigiúin Ghaeltachta ag glacadh leis an aois dhigiteach, tá Údarás na Gaeltachta ag glacadh "na chéad chéimeanna eile, le chéile" leis na pobail uathúla seo, á gcur chun tosaigh i nuálaíocht teicneolaíochta. Trí infheistíocht straitéiseach i mbonneagar digiteach, in áiseanna taighde AI, agus in ionaid ghorlainne do ghnólachtaí nuathionscanta teicneolaíochta, táimid ag cruthú éiceachórais inar féidir le pobail teanga thraidisiúnta dul chun cinn a dhéanamh in aois na hArd hintleachta.

Cinntíonn an cur chuige réamhfhéachach seo nach bhfuil na réigiúin Ghaeltachta díreach ag caomhnú a n-oidhreachta cultúrtha ach go bhfuil siad ag éirí ina moil do chomhlachtaí teicneolaíochta na chéad ghlúine eile, ag cruthú deiseanna fostaíochta ardsciliúla a ligeann do dhaoine óga gairmeacha a thógáil agus iad ina gcónaí i bpobail Ghaeilge".