Cliant de chuid Údarás na Gaeltachta Ainmnithe do Ghradaim Irish Made 2024

Is cúis mhór áthais d'Údarás na Gaeltachta a fhógairt go bhfuil ceann dá chliaint, Emily Jean Atelier, ainmnithe mar iarrthóir do na Gradaim Irish Made 2024 sa chatagóir Miondíoltóir Áitiúil. Léiríonn an t-ainmniúchán seo an rath atá ar straitéis Údarás na Gaeltachta chun tacú le gnólachtaí nuálacha sa Ghaeltacht.

Tá Emily Jean Atelier, atá lonnaithe sa Mhaigh Cuilinn, Co. na Gaillimhe, ar cheann de na comhlachtaí rathúla a bhfuil tacaíocht faighte acu ó Údarás na Gaeltachta.

Dúirt Rónán Mac Con Iomaire, Údarás na Gaeltachta:

"Is mór an onóir dúinn go bhfuil ceann dár gcliaint, Emily Jean Atelier, ainmnithe do na Gradaim Irish Made 2024. Léiríonn sé an rath atá ar ár gcuid oibre chun gnólachtaí cruthaitheacha a chothú sa Ghaeltacht. Tá Emily Jean Atelier ina sampla iontach den chaighdeán is féidir a bhaint amach le tacaíocht chuí."

Dúirt Emily Jean O'Byrne, Bunaitheoir agus Stiúrthóir Cruthaitheach Emily Jean Atelier:

"Ba mhaith linn ár mbuíochas a ghabháil le hÚdarás na Gaeltachta as a dtacaíocht leanúnach. Gan an tacaíocht sin, ní bheadh muid in ann an dul chun cinn seo a dhéanamh. Táimid an-bhródúil as ár bhfréamhacha sa Ghaeltacht agus as an méid atá bainte amach againn go dtí seo."

Tá gach píosa in Emily Jean Atelier déanta de láimh ag foireann mínealaíne an stiúideo sa Mhaigh Cuilinn, ag cinntiú go bhfuil gach dearadh uathúil agus den chaighdeán is airde, agus ag cruthú fostaíocht luachmhar sa Ghaeltacht.

Is féidir le daoine vótáil ar son Emily Jean Atelier sna Gradaim Irish Made 2024 ag  Vote For Your Favourite Irish Made Awards Finalists Here (irishcountrymagazine.ie)