GTeic @ Uíbh Ráthach

Is féidir spás oibre a chur in áirithe sa GTeic anseo: Connected Hubs

Cur síos

Dhá aonad oifige nua-aimseartha, feistithe le troscán, suite laistigh de gteic @ Uíbh Ráthach – mol digiteach nua-thógtha atá suite i gcroílár Ghaeltacht Chiarraí Theas (Eircode V23 XK58).

Spás 52.17 m² atá in Aonad 1 (An Rinn) agus tá 9 stáisiún oibre ann faoi láthair.  Ag baint leasa as go leor solas nádúrtha, tá a rochtain sheachtrach féin ag an spás seo.

Spás 49.9 m² atá in Aonad 2 (An t-Imleach) agus tá 8 stáisiún oibre ar fáil faoi láthair.  Tá rochtain ar fáil ar an spás seo trí bhealach isteach an phríomh-mhoil.

Tá an mol seirbhísithe ag leathanbhanda snáithín 1GB le Cat. 5e cáblú ar fud an tí. Tá rochtain ag tionóntaí ar shaoráidí ceaintín comhroinnte féinseirbhíse agus ar rogha de thrí sheomra cruinnithe lánfheistithe le treallamh AV. Tá go leor páirceála ar fáil, chomh maith le saoráid seastán rothar.

Suíomh

Suite in aice leis an oifig phoist áitiúil, an stáisiún peitril agus an siopa áise, níl an mol ach siúlóid ghairid ón mbunscoil áitiúil, trá na brataí goirme agus giomnáisiam agus páirc peile CLG.  Freastalaíonn seirbhísí bus Local Link air go rialta.

Agus Aerfort Farranfore Chiarraí 90km ar shiúl (1 uair 20 nóiméad) ag cur eitiltí díreacha rialta ar fáil chuig Baile Átha Cliath, Luton, Manchain, Stansted, Frankfurt-Hahn, Faro, agus Alicante, tá suíomh den scoth ag an áis seo.

Tá Aerfort Idirnáisiúnta Chorcaí 180km ar shiúl (3 uair an chloig), agus Aerfort na Sionainne beagán níos faide ag 195 km (3 uair an chloig 10 nóiméad) ag soláthar roghanna breise maidir le nasc eitilte idirnáisiúnta. Ina theannta sin, soláthraíonn Calafort Chorcaí (178 km, 3 uair an chloig) rochtain farantóireachta ar Roscoff.

Úsáidí Oiriúnacha

Tá na haonaid seo oiriúnach go háirithe d’fhoirne dáilte oifigbhunaithe, agus is féidir iad a athrú go héasca chun riachtanais shonracha tionscadail a chomhlíonadh.