Gradam Náisiúnta Fuinnimh SEAI 2025 ag dul go Baile Bhúirne

Bronnadh duais thábhachtach ar Fia Bán Teo! (9 White Deer), microghrúdlann i mBaile Bhúirne i nGaeltacht Mhúscraí, ag Duaiseanna Fuinnimh SEAI 2025.

Ceiliúrann an ócáid seo barr feabhais i gcur chun cinn fuinnimh inbhuanaithe agus i ngníomhú ar son na haeráide. Bronnadh 12 de dhuaiseanna i mbliana ar ghnólachtaí, ar phobail agus ar eagraíochtaí earnála poiblí.

Tá 9 White Deer tiomanta do bheoir den scoth a sholáthar don mhargadh Éireannach. Chuir siad painéil ghréine agus córais uisce te agus fuaraithe cliste i bhfeidhm chun níos lú breosla a úsáid agus chun bheith níos éifeachtúil.

Dúirt Dónal Ó Liatháin, Bainisteoir Réigiún an Deiscirt, Údarás na Gaeltachta:

"Táimid an-bhródúil as an éacht iontach seo ó 9 White Deer. Léiríonn sé go soiléir gur féidir le gnólachtaí beaga sa Ghaeltacht a bheith chun tosaigh i réimse na hinbhuanaitheachta. Tá sé mar shampla de na nuálaíocht agus den tiomantas atá le feiceáil i measc ár gcliaint."

Seo gnó atá faoi úinéireacht Gordon agus Sinéad Lucey agus á rith ag muintir na háite, tuigeann siad go maith luach an phobail áitiúil agus an tábhacht a bhaineann le tacaíocht a thabhairt don Ghaeilge agus don Ghaeltacht.