Infheistíocht €180,000 chun Deiseanna Gairme sa Léiriú Teilifíse a Chur ar Fáil sa Ghaeltacht
Chuir Údarás na Gaeltachta deontas oiliúna €180,000 ar fáil d'Ollscoil Teicneolaíochta an Oirdheiscirt don bhliain acadúil 2025-2026 chun tacú leis an Ard-Dioplóma i Léiriú Teilifíse agus na Meáin Dhigiteacha sa Rinn, Co. Phort Láirge. Reáchtálfar seisiún eolais ar líne ar 21ú Lúnasa ag 7in mar dheis do dhaoine a bhfuil suim acu sa ghairm seo.
Is sampla den scoth é an cúrsa seo de straitéis forfheidhmiúcháin an Údaráis chun:
- Deiseanna fostaíochta ardchaighdeáin a chruthú sa Ghaeltacht
- Scileanna gairmiúla a fhorbairt trí Ghaeilge
- An pobal Gaeltachta a neartú
Tá Gaeltacht na nDéise mar an t-aon cheantar Gaeltachta a chonaic méadú ar líon na gcainteoirí Gaeilge sa daonáireamh is déanaí.
An Toradh: Fás Eacnamaíochta sa Ghaeltacht Tá Nemeton TV, a fhreastalaíonn ar an gcúrsa i gcomhar leis an Ollscoil, anois ar cheann de na comhlachtaí teilifíse is mó sa tír le 73 fostaí.
Leis an tacaíocht leanúnach ón Údarás, is é seo an t-aon chúrsa dá leithéid sa tír - Ard-Dioplóma Leibhéal 8 de Chreát Náisiúnta na Cáilíochtaí i Léiriú Teilifíse trí Ghaeilge. Tosóidh an cúrsa i Meán Fómhair 2025 le meascán de cheardlanna praiticiúla agus ranganna ar líne.
Cláraigh don seisiún eolais anseo: SETU | Online information session for award-winning TV and media production course