Údarás na Gaeltachta ag cur fáilte roimh fhéile Dorn san Aer 2024
Tá áthas ar Údarás na Gaeltachta a fhógairt go bhfuil siad ag tabhairt tacaíochta don fhéile cheoil Dorn san Aer, a bheidh ar siúl i nGaoth Dobhair, Co. Dhún na nGall in 2024. Is féile cheiliúrtha í seo a dhéanann comóradh ar shaibhreas cultúrtha agus teanga na Gaeltachta.
Dúirt Príomhfheidhmeannach Údarás na Gaeltachta, Tomás Ó Siocháin:
"Tá Údarás na Gaeltachta an-sásta a bheith ag tabhairt urraíochta don fhéile Dorn san Aer in 2024. Is deis iontach í an fhéile seo chun an Ghaeilge agus cultúr saibhir Ghaeltacht Dhún na nGall a chur chun cinn, agus chun tacú le healaíontóirí agus gnólachtaí áitiúla. Cuireann imeachtaí mar seo go mór le forbairt eacnamaíoch agus cultúrtha ár bpobail Ghaeltachta, go háirithe i réigiún Ghaoth Dobhair."
Cuirfidh an fhéile ardán ar fáil d'ealaíontóirí Gaeltachta agus náisiúnta araon, ag cur béime ar cheol traidisiúnta agus nua-aimseartha trí mheán na Gaeilge. Beidh réimse leathan imeachtaí ar siúl, lena n-áirítear ceolchoirmeacha, ceardlanna, agus imeachtaí do theaghlaigh.
Dúirt Cathal Ó Gallchóir, Cathaoirleach Choiste Dorn san Aer:
"Táimid thar a bheith buíoch d'Údarás na Gaeltachta agus do na hurraitheoirí eile as a dtacaíocht don fhéile. Cabhróidh an urraíocht seo go mór linn ár bhfís a bhaint amach - féile a chruthú a chuireann an Ghaeilge, ceol agus cultúr na Gaeltachta chun cinn ar bhealach spreagúil agus nuálach. Táimid ag tnúth le fáilte a chur roimh chuairteoirí go Gaoth Dobhair in 2024."
Leanann tacaíocht Údarás na Gaeltachta don fhéile Dorn san Aer an tiomantas leanúnach atá aige d'fhorbairt chultúrtha, shóisialta agus eacnamaíoch na Gaeltachta. Tá súil ag an Údarás go spreagfaidh an fhéile seo tuilleadh turasóireachta cultúrtha i nGaoth Dobhair agus i nDún na nGall trí chéile, agus go gcuirfidh sí le híomhá na Gaeltachta mar ionad beo don Ghaeilge agus don chultúr Gaelach.
Tá tuilleadh eolais faoi fhéile Dorn san Aer 2024 ar fáil ar https://www.dornsanaer.ie/