An tAire Dara Calleary tar éis gteic@Corrán Buí a oscailt

Tá áthas ar Údarás na Gaeltachta a fhógairt gur oscail an tAire Dara Calleary TD gteic@Corrán Buí go hoifigiúil ar 19 Lúnasa. Beidh an t-ionad nua seo á rith ag Seirbhísí Cúram Chill Comáin Teo.

Is mol digiteach é gteic’Corrán Buí a chuireann spás oibre nua-aimseartha ar fáil do mhuintir an cheantair. Cuirfidh an tsaoráid nua seo deiseanna fostaíochta agus forbartha ar fáil do phobal Chorrán Buí agus na háiteanna máguaird.

Dúirt an tAire Dara Calleary.

"Níl tábhacht ar bith le hiargúltacht; is féidir linn nasc a dhéanamh leis an domhan ón gteic seo i gCorrán Buí,"

Dúirt Celia Gallagher, Bainisteoir Sheirbhísí Cúram Chill Comáin Teo:

"Creidimid go láidir go gcuirfidh an t-ionad seo go mór le forbairt eacnamaíoch agus shóisialta an cheantair. Táimid tiomanta don tsaoráid seo a fhorbairt mar mhol nuálaíochta agus cruthaitheachta don phobal áitiúil. Cuirfidh sé ar ár gcumas freisin ár seirbhísí cúraim a leathnú agus a fheabhsú, rud a rachaidh chun tairbhe do mhuintir an cheantair ar fad."

Dúirt Príomhfheidhmeannach Údarás na Gaeltachta Tomás Ó Siocháin:

"Is cúis mhór áthais dúinn gteic@Corrán Buí a fheiceáil ag oscailt go hoifigiúil. Léiríonn an t-ionad nua seo ár dtiomantas d'fhorbairt inbhuanaithe na Gaeltachta agus do chruthú deiseanna fostaíochta ardchaighdeáin sa cheantar. Creidimid go láidir go gcuirfidh an t-ionad seo go mór le geilleagar agus le beocht na háite, ag cur ar chumas daoine oibriú agus maireachtáil ina bpobal féin."

Cuirfidh gteic@Corrán Buí réimse leathan seirbhísí ar fáil, lena n-áirítear spásanna comhoibre, seomraí cruinnithe, agus áiseanna teicneolaíochta den scoth. Beidh sé mar acmhainn luachmhar do ghnólachtaí áitiúla, d'oibrithe cianda, agus d'fhiontraithe sa cheantar.